Fyrst var það ircið. Svo umræðuvefirnir. Eftir það fóru allir að blogga. Svo fóru allir á myspace. Síðan Facebook. Eins og sést af þessari upptalningu er hver bylgja margfalt skemmtilegri en forveri hennar. Facebook virðist ætla að standa af sér allnokkrar smærri öldur, svo sem twitter og buzz.
Ég veit ekki hvernig arftaki Facebook, framtíðarandlag netfíknar heimsbyggðarinnar, verður úr garði gerður. Ég sé fyrir mér einhvers konar tæki sem skráir sjálfkrafa niður allar athafnir fólks, tekur þær upp á myndband, greinir þær og setur svo upplýsingarnar á margmiðlunarformi inn á netið.
Það er pirrandi að í nútímanum þurfi fólk handvirkt að skrá niður allar athafnir sínar, taka myndir eða kvikmyndir af þeim og setja þær svo á netið. Þetta á að vera sjálfvirkt.
október 22, 2010 klukkan 10:12 am |
Það er töff hugmynd að hafa eina bloggfærslu á ári.
Eina hugmynd, eina litla útskýringu, hvernig dagur er 18. febrúar í þínu lífi næstu árin.
Svo yfir 20-30 ára tímabil þá geturðu fylgst með hvort þú þroskist eitthvað eða hvort þú hafir toppað á andlega sviðinu á þrítugsaldrinum og þetta er allta saman eitthvað bull eftir það.
g.
júní 24, 2011 klukkan 1:40 pm |
Það er töff hugmynd að hafa eina bloggfærslu á ári. En þá verður þú líka að standa við það!!!
Hvar er færslan mín?????