Dönsk, steikt, söltuð svínafita

Þórður Gunnarsson, hagfræðinemi og blaðamaður, sendi mér fyrir skemmstu danska delíkasíu með pósti. Ég náði í hana á pósthúsið áðan og hef ekki orðið fyrir vonbrigðum. Hér er semsagt um að ræða eitthvað sem líkist í raun vestfirzkum harðfiski við fyrstu sýn, í svipuðum umbúðum o.s.frv. en er þegar nánar er að gáð svínafitustrimlar, saltaðir og steiktir. Þetta er hið mesta lostæti. Líkist því helst að vera kominn með pörusteik á snakkformi. Hámarkið í þróun hugvits mannsins? Mögulega.