Orðið “þolinmæði” virðist nú æ oftar ritað með vaffi. Þvolinmæði. Það er furðulegt.
Sú tilhneiging manna að kalla allt ferli er líka skemmtileg. Nýtt ferli sem ónefndur ofurbloggari Íslands notar í einni af sínum nýjustu færslum er biðferli. Semsagt ferli sem gengur út á bið. Biðferlið er þá væntanlega eins konar innskotsferli í hinu eiginlega ferli, sem getur verið hvað sem er, kannski að gifta sig. Ef kirkjan er fullbókuð langt fram í tímann tekur við biðferli, en ekki bið, eftir kirkjunni. Svo kallar hann “það að gifta sig” hjónabandsferli. Ferli, ferli, ferli, ferli.
Af hverju ert þú að leita?
- af hverju? af því bara!
Nei ég meina, af hverju ertu að leita?
- af þessum hól.
Hvað meinarðu?
- hvað meina ég? ég týndi hjólinu mínu og það er gott að leita að því af þessum hól. Hér er víðsýnt mjög.
október 15, 2007 klukkan 3:59 pm
Kjötfars
október 16, 2007 klukkan 9:02 am
Ég fatta ekki þetta með þvolinmæðina. Hvaðan kemur þessi misskilningur? Og það er ekki eins og v sé neinstaðar nálægt þ eða o á lyklaborðinu, svo varla er þetta innsláttavilla. Ótrúlega heimskulegt.
október 16, 2007 klukkan 10:34 am
Ég er að leita af manni….
október 16, 2007 klukkan 3:09 pm
Til þess að svo sé þarft þú að vera á manni. Ég trúi þér reyndar alveg til þess.
október 16, 2007 klukkan 3:59 pm
Aldrei séð þvolinmæði en sé oft orðið hræðilegt skrifað með enni eða hræðiNlegt. Hvaðan kemur það?
Er eitthvað ferli í gangi með leiðiNlegt yfir í hræðiNlegt. Dettur helst í hug að það sé eitthvað FERLI í gangi með leiðiNlegt yfir í hræðiNlegt sem ruglar fólk.